२६ बैशाख २०८०,
काठमाडौं ।
नेपाली नागरिकलाई भुटानी शरणार्थी बनाएर अमेरिका पठाउने भन्दै ठगी प्रकरणमा थप दुई जना पक्राउ परेका छन् । पक्राउ पर्नेमा रामशरण केसी र गोविन्द चौधरी हुन् ।
उनीहरुलाई मंगलबार अपराध अनुसन्धान कार्यालयको टोलीले काठमाडौंको शंखमुलबाट पक्राउ गरेको हो। उनीहरु दुवै जना बिचौलिया हुन्।
यो प्रकरणमा यसअघि ८ जना पक्राउ परिसकेका छन् । यही प्रकरणमा संलग्न भएको आरोपमा पक्राउ पूर्जी जारी भएका नेकपा एमालेका सचिव तथा पूर्वउपप्रधानमन्त्री समेत रहेका सांसद टोपबहादुर रायमाझी अहिलेसम्म फरार छन्।
