१५ वैशाख २०८०,
काठमाडौं।
नवनिर्वाचित प्रतिनिधिसभा सदस्य रवि लामिछाने र स्वर्णिम वाग्लेले शपथ लिएका छन् । उपनिर्वाचनमा निर्वाचित भएका उनीहरुले आज सभामुख देवराज घिमिरेसमक्ष शपथ लिएका हुन् ।
उपनिर्वाचनमा निर्वाचित अर्का संसद् उपेन्द्र यादव भने आजको शपथ समारोहमा उपस्थित भएनन् । उनी बारामा रहेकोले शपथमा सहभागी नभएका हुन् ।
उपनिर्वाचनमा चितवन २ बाट रवि लामिछाने, तनहुँ १ बाट स्वर्णिम वाग्ले र बारा २ बाट उपेन्द्र यादव निर्वाचित भएका थिए ।
