९ बैशाख २०८०,
काठमाडौं ।
कोरोना भाइरसको संक्रमणका कारण थप १ जनाको मृत्यु भएको छ । पछिल्लो २४ घण्टामा थप ७८ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
१ हजार १४८ जनाको नमूना परीक्षण गर्दा ७८ जनामा कोरोना संक्रमण पुष्टि भएको हो । यही अवधिमा ५० जना संक्रमित निको भएका छन् । योसँगै नेपालमा कोरोना भाइरसका सक्रिय संक्रमितको संख्या तीन सय ८३ जना पुगेको छ ।
देशभर हालसम्म कोरोना संक्रमणबाट मृत्यु हुनेको संख्या १२ हजार २७ जना पुगेको मन्त्रालयले जनाएको छ ।
