१४ चैत २०७९,
काठमाडौं ।
विश्व कप उपविजेता फ्रान्सले युरो कप सन् २०२४ को छनोटमा लगातार दोस्रो जित निकालेको छ । गएराति भएको खेलमा फ्रान्सले घरेलु टोली आयरल्यान्डलाई १–० गोलले हरायो ।
फ्रान्सको जितमा दोस्रो हाफमा बेन्जामिन पाभार्डले गरेको गोल नै निर्णायक भयो । फ्रान्सले अघिल्लो खेलमा नेदरल्यान्ड्सलाई ४–० गोलले हराएको थियो ।
यस्तै, आफ्नो दोस्रो खेलमा नेदरल्यान्ड्सले जिब्राल्टारमाथि ३–० गोलको सहज जित निकालेको छ । अन्य खेलमा अस्ट्रिया र स्वीडेन विजयी भएका छन् । अस्ट्रियाले घरेलु मैदानमा इस्टोनियामाथि २–१ गोलको जित निकालेको हो।
स्वीडेनले अजरबैजानमाथि ५–० गोलको फराकिलो जित हात पारेको छ ।
