१३ चैत २०७९,
काठमाडौं ।
मन्त्रिपरिषद् विस्तारमा सहमति जुटाउन प्रधानमन्त्री पुष्पकमल दाहाल छलफलमा जुटेका छन् । सोमबार बिहान बालुवाटारमा प्रधानमन्त्रीसहित कांग्रेस सभापति शेरबहादुर देउवा र नेकपा एकीकृत समाजवादीका अध्यक्ष माधव नेपालबीच छलफल भएको हो ।
प्रधानमन्त्री प्रचण्डले मंगलबारसम्म मन्त्रिपरिषद्लाई पूर्णता दिन लागेको सन्दर्भमा दलहरुबीच छलफल भएको हो । छलफलमा मन्त्रिपरिषद् विस्तारका लागि भोलि अपराह्न ४ बजे गठबन्धन दलको बैठक बोलाउने समझदारी भएको छ ।
चैत ६ गते दोस्रो पटक विश्वासको मत लिएका प्रधानमन्त्री दाहालले मन्त्रिपरिषदलाई अझै पूर्णता दिन सकेका छैनन् ।
