१० चैत्र २०७९,
मकवानपुर ।
बाग्मती प्रदेशका मुख्यमन्त्री शालिकराम जम्मकट्टेलले विश्वासको मत प्राप्त गरेका छन् ।
प्रदेशसभाको आजको बैठकमा मुख्यमन्त्री जम्मकट्टेलको पक्षमा ६७ मत र विपक्षमा १७ मत परेको हो । मत दिन्न भन्नेमा सात मत परेको थियो ।
प्रदेशसभामा नेपाली कांग्रेसको ३७, नेकपा एमालेको २७, नेकपा माओवादी केन्द्रको २१, राष्ट्रिय प्रजातन्त्र पार्टीको १३, नेकपा एकीकृत समाजवादीको ७, नेपाल मजदुर किसानको ३ र हाम्रो नेपाली पार्टीको २ गरी ११० सदस्य रहेका छन् । प्रदेशसभामा आज ९१ प्रदेशसभा सदस्यको उपस्थिति रहेको थियो ।
नेकपा एमालेसहितको समर्थनमा मुख्यमन्त्री बनेका जम्मकट्टेलले संघीय सरकारमा गठबन्धन फेरिएपछि दोस्रोपटक विश्वासको मत लिएका हुन् ।
