१८ पुस २०७९,
काठमाडौं ।
प्रधानमन्त्री पुष्पकमल दाहालले पुस २६ गते प्रतिनिधिसभामा विश्वासको मत लिने भएका छन् ।
प्रतिनिधिसभाको पहिलो बैठक बसेको भोलिपल्ट दाहालले विश्वासको मत लिन लागेका हुन् । प्रतिनिधिसभाको पहिलो बैठक पुस २५ गते बस्दैछ ।
प्रधानमन्त्री दाहालले संसद्का महासचिवलाई सम्बोधन गर्दै विश्वासको मत लिने कार्यसूची तय गरिदिन अनुरोध गरेको संसद सचिवालयका प्रवक्ता डा. रोजनाथ पाण्डेले जानकारी दिए । दाहाल पुस १० गते ७ दलको समर्थनमा प्रधानमन्त्री बनेका थिए ।
