२१ मंसिर २०७९,
काठमाडौं ।
प्रधानन्यायाधीश चोलेन्द्रशमशेर जबराविरुद्धको महाअभियोग प्रस्ताव निष्प्रभावी भएको भनी संघीय संसदका महासचिव भरतराज गौतमले दिएको पत्र अवैधानिक रहेको भन्दै सर्वोच्च अदालतमा रिट परेको छ ।
सर्वोच्च बार एशोसिएशनका अध्यक्ष पूर्णमान शाक्य लगायतका पदाधिकारीहरुले सर्वोच्च अदालतमा रिट निवेदन पेश गरेका हुन् । संसद सचिवालयले जबरालाई निलम्बन फुकुवाको पत्र दिएसँगै जबरालाई सर्वोच्च आउन रोक्नका लागि निवेदन पेस गरिएको हो ।
सर्वोच्च बार एसोसिएसनका सदस्य अनन्तराज लुइँटेलका अनुसार रिटमा संसद सचिवालयले जबरालाई दिएको पत्र असंवैधनिक र गैर कानुनी भएकाले बदर हुनुपर्ने माग गरिएको छ।
निलम्बित प्रधानन्यायाधीश जबराको कार्यकाल यही २७ गते सकिँदैछ।
