७ मंसिर २०७९,
बाँके ।
बाँके क्षेत्र नम्बर २ बाट राष्ट्रिय प्रजातन्त्र पार्टी (राप्रपा) का महामन्त्री धवल शमशेर राणा निर्वाचित भएका छन् । जनता समाजवादी पार्टीका केन्द्रीय नेता तथा पुर्वमन्त्री मोहम्मद इश्तियाक राईलाई ६ हजार ५७ मतले पराजित गर्दै राणा निर्वाचित भएका हुन् ।
राणाले २९ हजार ५७७ मत प्राप्त गरे भने उनका निकटतम प्रतिद्वन्द्वी राईले २३ हजार ५२० मत प्राप्त गरे । तेस्रो स्थानमा रहेका नेपाली काँग्रेसका सुदिप नरसिंह राणाले ४ हजार ४०३ मत पाए ।
विजयी भएका राणा यस अघि दुई पटक नेपालगन्ज उपमहानगरको मेयर पदमा निर्वाचित भएका थिए भने पराजित राई २०७४ साल र २०६४ सालमा सांसद पदमा निर्वाचित भएका थिए ।
