६ मंसिर २०७९ ।
फिफा विश्वकप फुटबलको आफ्नो पहिलो खेलमै उपाधि दावेदार भनिएको अर्जेन्टिना पराजित भएको छ । सोमबार भएको खेलमा अर्जेन्टिना साउदी अरेबियासँग २–१ गोल अन्तरले पराजित भएको हो ।
पहिलो हाफमा १ गोलले पछि परेको अरेबियाले दोस्रो हाफमा आक्रामक खेल खेल्दै २ गोल गरेपछि जित सुनिश्चित गरेको हो ।
खेलको ४८ औं मिनेटमा अल–शहरानीले पहिलो गोल गरेका थिए । त्यसपछि ५३ औं मिनेटमा सलेम अल–दवसारीले गोल गरे ।
अर्जेन्टिनाका लागि १० औं मिनेटमा लियोनल मेस्सीले पेनाल्टीमा गोल गरेका थिए । अर्जेन्टिनाका लागि दोस्रो गोल लाउटारो मार्टिनेजले गरे पनि अफसाइडका कारण रेफ्रीले रद्द गरेका थिए ।
