४ मंसिर २०७९,
काठमाडौं ।
प्रतिनिधि सभा र प्रदेश सभा निर्वाचनको लागि देशभर उत्साहजनक रूपमा मतदान भइरहेको छ ।
अधिकांश मतदान केन्द्रमा बिहानैदेखि मतदाताको लाइन लागेको छ ।
उच्च पहाडी र हिमाली क्षेत्रका केही ठाउँमा भने चिसोका कारण मतदानमा ढिलाई भएको छ । ती ठाउँका बासिन्दाले दिउँसोपछि मतदान गर्न जाने तयारी गरेका छन् । बिहान ७ बजेदेखि सुरु भएको मतदान बेलुकी ५ बजेसम्म चल्नेछ ।
केही छिटपुट घटनाबाहेक देशभरका मतदान केन्द्रमा शान्तिपूर्वक मतदान जारी छ ।
