२६ असोज २०७९
काठमाडौं ।
मनाङबाट प्रदेश सभामा स्वतन्त्र उम्मेदवारी दिएका दीपक मनाङे (राजीव गुरुङ) निर्विरोध निर्वाचित भएका छन् ।
मनाङ प्रदेश (ख)बाट मनाङेसँगै स्वतन्त्र उम्मेदवारी दिएका दोर्जे लामा गुरुङले उम्मेदवारी फिर्ता लिएसँगै मनाङेलाई निर्विरोध निर्वाचित भएको घोषणा गरिएको हो ।
दोर्जेले उम्मेदवारी फिर्ता लिएपछि मनाङेको मात्रै उम्मेदवारी कायम छ । मनाङेले सुरुमा सत्ता गठबन्धनको समर्थनमा चुनाव लड्ने बताएका थिए । तर मनोनयन गर्नुअघि उनले गठबन्धन छोडिसकेको बताएपछि एमालेले पनि उम्मेदवारी दिएन ।
यसअघि २०७४ सालको चुनावमा पनि उनी एमालेको समर्थनमा उम्मेदवार बनेर विजयी भएका थिए ।