१९ जेठ २०७९
काठमाडौं ।
नेपाल आयल निगमले पेट्रोल, डिजेल र मट्टितेलको मूल्य घटाएको छ । निगमले बिहीबार एक सूचना जारी गर्दै पेट्रोल, डिजेल र मट्टितेलमा प्रतिलिटर १० रुपैयाँ मूल्य घटेको जनाएको हो ।
सरकारले पेट्रोलियम पदार्थमा लाग्ने प्रतिलिटर १० रूपैयाँ पूर्वाधार कर घटाएपछि मूल्य समायोजन भएको हो । आगामी वर्षका लागि बजेट घोषणा गर्ने क्रममा नै सरकारले पेट्रोलमा लगाएको कर घटाउने बताएको थियो ।
अब पेट्रोलको मूल्य प्रतिलिटर १७० रूपैयाँ र डिजेल तथा मट्टितेलको मूल्य प्रति लिटर १५३ रूपैयाँ पर्नेछ ।
खाना पकाउने ग्याँस र हवाई इन्धनको मूल्य भने यथावत रहेको छ ।
