१९ जेठ २०७९
काठमाडौं ।
तारा एयरको विमान दुर्घटनामा मृत्यु भएकाहरुको शव मृतकका परिवारलाई हस्तान्तरण गरिएको छ । त्रिवि शिक्षण अस्पताल महाराजगञ्जबाट आज मृतकका परिवारलाई शव हस्तान्तरण गरिएको हो ।
पोखराबाट मुस्ताङको जोमसोमतर्फ जाने क्रममा आइतबार विमान दुर्घटना भएको थियो । दुर्घटनामा चालक दलका तीन सदस्यसहित १३ जना नेपाली, ४ भारतीय र दुई जना जर्मन नागरिकको मृत्यु भएको थियो । दुर्घटनामा परेकाहरुको शव सोमबार र मङ्गलबार दुई चरणमा नेपाली सेनाको एमआई–१७ हेलिकप्टरमार्फत काठमाडौँ ल्याइएको थियो ।