२५ वैशाख २०७९
रामेछाप ।
रामेछापको मन्थली नगरपालिका वडा ६ बेतिनीमा एमालेका कार्यकर्ताले कांग्रेसका उम्मेदवारको घर तोडफोड गरेका छन् ।
एमाले कार्यकर्ता प्रेम तामाङ, गोपाल माझी लगायतको समुहले कांग्रेसका तर्फबाट मन्थली वडा ६ का अध्यक्षका उम्मेदवार अशोक कुमार तामाङको घरमा ढुंगामुडा गरेका हो ।
आफ्नो पक्षमा ठूलो जनलहर रहेको र आफूले जित्ने निश्चित भएपछि हारेको मानसिकता सहित एमाले कार्यकर्ताले घरमा हमला गरेको अध्यक्षका उम्मेदवार तामाङले बताए । घरदैलो कार्यक्रम बिथोल्न नियोजित रुपमा हमला गरेको उनको भनाइ छ ।
हमलाबाट तामाङको घरमा क्षति पुगेको छ ।