८ बैशाख २०७९
काठमाडौं ।
ललितपुरको पाटन औद्योगिक क्षेत्रस्थित सगरमाथा अक्सिजन प्लान्टमा भएको विस्फोटमा मृत्यु हुनेको संख्या दुई पुगेको छ ।
महानगरीय प्रहरी परिसर, ललितपुरका प्रवक्ता सिद्धिविक्रम शाहका अनुसार पाटन अस्पतालमा उपचारका क्रममा दिउँसो १ः४५ बजे अर्का घाइतेको मृत्यु भएपछि मृतक संख्या दुई पुगेको हो । भारतीय नागरिक राजकुमार महतोको उपचारको क्रममा मृत्यु भएको प्रहरीले जनाएको छ ।
यसअघि भारतकै नागरिक वृजकुमार महतोको घटनास्थलमै ज्यान गएको थियो ।
विस्फोट आज बिहान १० बजेको आसपासमा भएको हो । घटनामा ६ जना घाइते भएका थिए।
घटनाको कारणबारे प्रहरीले अनुसन्धान गरिरहेको छ ।