१० चैत्र २०७८
काठमाडौं ।
नेपाल र पपुवा न्युगिनी (पीएनजी) बीच शुक्रवारदेखि एकदिवसीय क्रिकेट शृङ्खला सुरु हुँदैछ । नेपाल र पीएनजीबीचको पहिलो खेल भोलि बिहान १० बजेपछि कीर्तिपुरको त्रिवि त्रिकेट मैदानमा हुनेछ ।
भोलिको खेलका लागि नेपाली टोली घोषणा भइसकेको छ । टोलीमा ज्ञानेन्द्र मल्ल र विनोद भण्डारीलगायत पुराना खेलाडीको ठाउँमा नयाँ खेलाडी राखिएको छ । एकदिवसीयमा सागर ढकाल, अनिल साह, विक्रम शोब, देव खनाल, गुल्सन झा, भीम सार्की लगायतका खेलाडी राखिएको छ ।
नेपालले भोलि र पर्सि शनिवार पीएनजीसँग दुई वटा एकदिवसीय खेल खेल्दैछ । यस्तै मार्च २८ देखि अप्रिल ४ तारिखसम्म नेपाल, मलेसिया र पपुवा न्युगिनीबीच सात वटा खेलको टी–२० शृङ्खला हुँदैछ ।